<div style="background:#fff;border:#bbb dashed 1px;padding:5px"><a href="http://en.citatepedia.ro/comments.php?id=116456" style="color:#000;text-decoration:none"><div style="margin:10px 0"><strong>Address to the Toothache</strong></div><div style="margin:10px 0">My curse upon your venom'd stang,<br>That shoots my tortur'd gums alang,<br>An' thro' my lug gies mony a twang,<br>Wi' gnawing vengeance,<br>Tearing my nerves wi' bitter pang,<br>Like racking engines!</div><div style="margin:10px 0">When fevers burn, or argues freezes,<br>Rheumatics gnaw, or colics squeezes,<br>Our neibor's sympathy can ease us,<br>Wi' pitying moan;<br>But thee-thou hell o' a' diseases-<br>Aye mocks our groan.</div><div style="margin:10px 0">Adown my beard the slavers trickle<br>I throw the wee stools o'er the mickle,<br>While round the fire the giglets keckle,<br>To see me loup,<br>While, raving mad, I wish a heckle<br>Were in their doup!</div><div style="margin:10px 0">In a' the numerous human dools,<br>Ill hairsts, daft bargains, cutty stools,<br>Or worthy frien's rak'd i' the mools, -<br>Sad sight to see!<br>The tricks o' knaves, or fash o'fools,<br>Thou bear'st the gree!</div><div style="margin:10px 0">Where'er that place be priests ca' hell,<br>Where a' the tones o' misery yell,<br>An' ranked plagues their numbers tell,<br>In dreadfu' raw,<br>Thou, Toothache, surely bear'st the bell,<br>Amang them a'!</div><div style="margin:10px 0">O thou grim, mischief-making chiel,<br>That gars the notes o' discord squeel,<br>Till daft mankind aft dance a reel<br>In gore, a shoe-thick,<br>Gie a' the faes o' Scotland's weal<br>A townmond's toothache!</div><div style="margin:10px 0"><br /></a><br />poem by <a href="http://en.citatepedia.ro/by.php?a=Robert+Burns">Robert Burns</a><div class=q> <img src="https://www.citatepedia.ro/g/32share.png" style="float:left" alt="Share"> <script type="text/javascript" src="//s7.addthis.com/js/300/addthis_widget.js#pubid=citatepedia" async="async"></script><div style="display:inline-block" class="addthis_sharing_toolbox" data-url="http://en.citatepedia.ro/comments.php?id=116456" data-title="Address to the Toothache de Robert Burns" data-description="My curse upon your venom'd stang,/That shoots my tortur'd gums alang,/An' thro' my lug gies mony a twang,/Wi' gnawing vengeance,/Tearing my nerves wi' bitter pang,/Like racking engines!/When fevers burn, or argues freezes,/Rheumatics gnaw, or coli..."></div> </div> </div>

solid border dashed border dotted border double border groove border ridge border inset border outset border no border blue green red purple cyan gold silver black